|
Celtic Lyrics Corner > Artists & Groups > Back Of The Moon > Fortune's Road > The Baron Of Brackley
|
Lyrics:
Doon Deeside cam Inveray a-whistlin' an' playin'
An' he cam by Brackley's yetts ere the day was dawin'
"Oh are ye there, Brackley, and are ye within?
Oor shairp swords are at yer yetts, an' we'll gaur your bluid spin"
"Rise up, Betsy Gordon, an' gie me my gun
For though I gang oot, love, sure I'll never come in
Come kiss me, my Betsy, nor think I'm tae blame
For though I hae ae man, I'm sure they hae ten"
When Brackley was mounted and rade on his horse
A bonnier baron ne'er rade o'er a course
Twa gallanter Gordons did never swords draw
But against three and thirty, fa's me, whit is twa?
Wi' their dirks and their broadswords, they did him surroun'
And they killed bonny Brackley wi' mony's a woun'
Frae the heid o' the Dee tae the banks o' the Spey
The Gordons shall mourn him and ban Inveray
Oh cam ye by Brackley's yetts, an' cam ye by here?
An' saw ye his lady a-rivin' her hair?
Oh an' I cam by Brackley's yetts an' I cam by here
An' I saw his fair lady, she wis makin' guid cheer
She was rantin' an' dancin' an' singin' wi' joy
An' vowin' that verra nicht she would feast Inveray
Well, she's laughed wi' him, danced wi' him, welcomed him in
She was kind tae the murderer wha had slayed her guid man
Through hedges an' ditches ye canna be sure
But through the woods at Glentor ye can slip in an hour
An' it's up spak the babe sittin' on his mither's knee
Sayin', "Afore I'm a man, it's avenged I'll be"
