|
Celtic Lyrics Corner > Artists & Groups > Old Blind Dogs > The Gab O Mey > Lads O The Fair
|
Lyrics:
Come, bonnie lass, lie near me, an' let the brandy cheer ye
For the road frae Fife tae Falkirk's lang an' cauld an' wet an' weary
My trade, it is the weavin' in the bonnie toun o' Leven
An' we'll drink a health tae the farmers' dames wha'll buy our cloth the morn
Chorus (after each verse):
You can see them a', the lads o' the fair
Lads frae the Forth an' the Carron water
Workin' lads an' lads wi' gear
Lads wha'd sell ye the provost's dochter
Sodjers back frae the German wars
Peddlers up frae the border
An' lassies wi' an eye for mair than the kye
At the trysting fair at Falkirk
Come, Georgie, haud the pony, for the path is steep and stony
An' it's three lang weeks frae the Isle o' Skye and the beasts are thin an' bony
We'll tak the last o' the siller an' buy oursels a gill or two
An' drink to the lads wha'll buy our kye in Falkirk toun the morn
Staun hear an' I'll show ye, there's the toun below ye
But we'd best bide here in the barn the nicht, for the nightwatch dinna know ye
My brother, he's a plowman, an' I'm for the feeing now, man
An' we'll drink tae the price o' the hairvest corn in Falkirk toun the morn
The wark o' the weaver's over, likewise the days o' the drover
An' the plowboy sits on a tractor noo, too high to see the clover
The warkin's no sae steady, but the lads are aye still ready
Tae drink a health tae the working man in Falkirk toun the morn
